| 成兩個月無打咁滯！其實都算忙，博殺期嘛！不過依家都博完，放緊假，仲未搵到暑假工做，其實我做唔做都無乜所謂既！ 依家幫緊聖堂搞緊神父晉鐸金禧紀念既野，先到搞掂個襟章，依家就搞緊個簽名banner！ 果個襟章可以係話我人生第一個design去到外國，即係話我design既呢個襟章有機會去到意大利，哈，雖然唔係D咩威水野，但的確幾開心！呢個襟章當然係為左"神父晉鐸金禧紀念"而去造，其實今日已經搞掂左，送左返去聖堂，所以黎緊星期日就會派，到時每個教友都會有一個，而且神父襯住呢個暑假，佢都返一返佢鄉下意大利探下佢D親朋戚友，順便帶100個襟章過去，咁即係話我既襟章可以去到意大利，所以幾開心架！ 講下第二件事，我發覺我對一個人有好感，但應該未至於係鍾意掛？真係唔知！不過我成日心諗，人地個條件都唔差，點會鍾意我呢個肥仔呀，算吧啦！...................唉，有時我真係覺得自己好犯賤，話減肥話足幾個月都係講一套做一套，幾時先認真去減呀？再唔減呢一世無女仔鍾意架喇！本身我自己要求都算高，但皆因我係肥仔，講得難聽D無資格咁高要求！ |
| |
| 依家忙緊Packaging，係咁整Model.............煩惱中！ 今日無意中聽到一個俄羅斯既歌手，叫Vitas，佢D海豚音真係好勁，好恐怖，但我鍾意，哈！後尾我download佢D歌黎聽下，有幾隻都幾好聽，依家xanga播緊係佢其中一隻，真係幾好聽，又有D Opera既 feel，所以我幾鍾意！ |
| |
| 太多野要去做，我發覺我自己真係多野做到咩都唔記得，失晒憶，幾個字之前做過咩都可以唔記得，唉..........咁快就有「老人癡呆症」！ 我依家個腦，除左Project之後，仲有Project，永遠離唔開Project呢個字，滿腦子都係Project，救命，好痛苦啊！ |
| |
| 日日都做埋同一野，返學→放學→做功課→訓覺→返學→放學→做功課→訓覺.......如此類推！ 我做呢個Advertising Project，Idea已經諗到諗無可諗，誇張得黎要現實，間接得黎要明，咁樣已經局限左好多，仲要我不停隔幾日就交十幾廿個Ideas，一黎交唔切，二黎已經諗到我爆晒頭，依家想嘔到好難嘔到，次次都十幾廿個，大大話話依家都成三四十個Ideas，仲要我繼續諗，仲要我諗得深層次D.............今次終於比我嘔到D野出黎喇，係嘔血嘔白泡呀！ 做Design真係唔易，所以真係唔明，點解有D人仲覺得讀Design係一件幾容易，輕鬆，求其畫下野就交功課既學科！我真係要澄清一下，同果D明知自己會考唔掂之後諗住去讀Design Hea下既會考生講，以下既野全無誇張成份，全部係事實！ 「讀Design唔係一個容易既事！你想會考唔掂之後諗住去讀Design Hea下唔出黎做野住？咁就大錯特錯喇！你想入黎Hea？唔使指意，你既心願一定唔會實現！一定仲忙過你讀中學果時，忙到你連Part time都好難返，除非你時間分配得好好，應該話係非常之好到不得了，如果唔係，做Part time都要比人炒！功課多到死，大大話話，幾個禮拜入面可以有成三四個Project擺係你面前，睇你做得邊樣？一日有24小時喎？就算有48小時都唔夠用呀！跟住功課多之餘，成日去睇Exhibition，功課已經多，仲要周圍去睇乜睇物，雖然係有益處既，但有好多時間呀依家？有時功課都唔得閒做，仲有閒情日致同心情去咩？如果要拍拖？都難搵男女朋友，我講既係唔係讀Design無靚仔靚女，有大把tim，我講既係大家既相處時間問題！除非，你同你既男女朋友都係讀Design，如果唔係都好難明白同了解你點解無乜時間陪大家！當然有例外，咁你就要好好珍惜喇！最重要既一樣就係健康，讀Design無論係男定女都好，好快就會殘，搞到自己體弱多病，黑眼圈呀，咩到出晒黎，我自己就係一個好例子！因為一黎已經忙到嘔，二黎搞到自己無乜點休息，休息唔定時，有時連休息都無，捱通宵，仲唔搞到自己身子弱咩！」 當然我希望大家去讀都係拎個心出黎讀，而唔係「度日如年」既！但最後都要奉勸我頭先講果D人，你要諗清諗楚，確實自己係好鍾意Design，而唔係入去逃避現實，去Hea既先去讀，如果唔係你會好慘，白白交錢去做「姑呢」！我唔係踩讀Design係做「姑呢」，因為雖然我成日埋怨，但我自己真係好鍾意做Desgin，就算讀到殘，身子弱都係值得，我係甘心情願去做「姑呢」既，你會唔會呢？你自己諗清諗楚喇，最緊要自己唔好後悔！ 各位會考生，加油努力吧！ |
| |
