呢兩日，即尋日同今日都去左拍戲，當然唔係D咩大製作，我都係叫做幫個中學同學，做下演員咁姐，但都令我見識多左，識左唔同既人，咁好彩呢套戲既主角竟然係TVB做"跑龍套"，當然問左佢都好多野，不過最重要既係當然係點樣入去做啦，哈！不過仲要拍埋聽日，真係唔錯，幾好既經驗！我個角色仲比我做左D我平時做唔出既野，壞人衰人之前都做過，但係蝦人整蠱人，除人褲果D真係無試過！不過除人條褲果part我一路做一路個心都唔係咁舒服，好有罪惡感...但無計，劇情需要我唯有去做！依家擺D相上黎，留下念都好！

以上呢六幅都係西貢三育書院.......聽講好似係國際兼寄宿學校，真係好「鬼」大地方同埋幾靚，個環境幾正！係我地今次拍戲既地方

跟住以上呢十四幅就係我地拍攝既場景喇！

再到呢五幅，都應該見到入面既野係好重要，缺一不可架，不過呢D只係某部份既器材！

睇下D工作人員幾認真......佩服！

幫主角化妝中......化個被我地D衰人蝦完個look，慘！個頭係濕架，影唔到咋，冷親就弊！

其中一個shot，老師話：「逃避係唔可以解決問題架！」......你唔好諗住報串呀，郁你架！

左手邊既係我地衰人之一，但佢都唔算衰，因為佢只係幫我地睇水！右手邊果個係主角，一睇個樣就已經係乖學生啦，被人蝦果D啦，哈！

嘩！呢幅幾型，好有feel囉，我都估唔到我自己可以影到呢D咁既相，哈，太正喇！