成兩個月無打咁滯！其實都算忙，博殺期嘛！不過依家都博完，放緊假，仲未搵到暑假工做，其實我做唔做都無乜所謂既！

依家幫緊聖堂搞緊神父晉鐸金禧紀念既野，先到搞掂個襟章，依家就搞緊個簽名banner！

果個襟章可以係話我人生第一個design去到外國，即係話我design既呢個襟章有機會去到意大利，哈，雖然唔係D咩威水野，但的確幾開心！呢個襟章當然係為左"神父晉鐸金禧紀念"而去造，其實今日已經搞掂左，送左返去聖堂，所以黎緊星期日就會派，到時每個教友都會有一個，而且神父襯住呢個暑假，佢都返一返佢鄉下意大利探下佢D親朋戚友，順便帶100個襟章過去，咁即係話我既襟章可以去到意大利，所以幾開心架！

講下第二件事，我發覺我對一個人有好感，但應該未至於係鍾意掛？真係唔知！不過我成日心諗，人地個條件都唔差，點會鍾意我呢個肥仔呀，算吧啦！...................唉，有時我真係覺得自己好犯賤，話減肥話足幾個月都係講一套做一套，幾時先認真去減呀？再唔減呢一世無女仔鍾意架喇！本身我自己要求都算高，但皆因我係肥仔，講得難聽D無資格咁高要求！